2013年12月25日 星期三

記得舊年平安夜我老豆話阿伯得番半年命
我覺得個晚成家都好靜

去到3月拎到畢業袍想去同阿伯影番幅畢業相
結果個陣佢個肺唔好
落唔到街
好易傳染
結果冇左件事

去畢業旅行個排已經半年了
有擔心過如果係我去旅行時佢過左身咁點算
好彩之後幾個月都冇大礙

只係每逢節日屋企食飯佢都唔會再黎
身體唔好只好係屋企休息

10月尾入左QE
個次係一年來第一次見到阿伯
佢個陣好瘦
老豆同佢講兩講仲流眼淚
大家都知乜野事

11月可以出院
但佢行唔到樓梯
要去阿嫲屋企住
每日訓係床上
食唔到野
只可以飲奶 希望有D營養

記得11月尾凌晨1點半收到電話
個刻我好驚
唔知發生乜野事
原來係阿嫲打黎話佢氣喘
入左QE

之後一直都係QE->九龍醫院->聖母醫院

直到12月10號凌晨3點幾既電話
姑娘通知情況好差
如果趕到既就去見佢最後一面

當時阿媽話同埋老豆一齊去
但老豆話唔洗
拒絕左兩次

結果佢一個人去
6點番左黎

個晚我諗會唔會係姑娘搞錯左
其實情況冇咁WORSE
之後阿伯就冇事

去到個日夜晚聽阿媽講先知原來阿伯已經走左

而我老豆亦都見唔到佢最後一面

原來咁就一年

慶幸既係
阿伯同姑娘講自己都玩夠喇
無悔

咁就夠喇

個排我有時會諗
如果係我知道自己就黎會死
會唔會唔開心唔捨得唔想死

即時反應係唔會
面對死亡
呢一刻,我唔怕

但當我再諗係身邊既屋企人
知道佢地會傷心
我就覺得自己唔可以死

雖然依賴住別人作為自己生存既意義係好冒險
但呢一刻我知道自己唔可以死

2013年9月29日 星期日

唉.


我真係好唔好唔中意依家份工
每日番工都要諗有D乜野可以做
當有野做既時候可能只係出下叫同事參與便服日既EMAIL
就會諗我讀左咁多年ACCT有乜野用
然後就會驚自己會適應到政府既工作環境
會變到好蠢、同商業社會脫節
係呢到又學唔到野
唔通呢一世我就係要咁樣過?

同埋我番工個日如果唔同同事出去食飯
我都唔知講唔講到10句野
除左飯腳
我覺得自己既工作上係零social life

我知道我依家係呢度係唔開心
就算人工OK有LIFE
但我都係唔開心

有好多呢D問題係我腦入面
而我解決唔到

轉工去audit
又唔肯定自己係咪真心中意同埋頂得順

所有野都好risky而我到依家都未決定到take唔take呢個risk


2013年9月2日 星期一

7點半.

今日收6點
但落到去落狗屎
咁岩撞到另一個EO一齊避雨吹左兩句

我: E~你都幾早走架喎
佢: 係呀,上個星期五比人捉住左搞到7點先走得呀,所以今日咪早D走囉
我: (知佢都係上星期先調過黎) 咁你之前個POSTING收得早唔早呀?
佢: 都準時架,6點就走得
我: 哦~咁都幾好喎,我個batchmate依家收8點呀
佢: 唉~其實真係好慘架,你諗下,如果晚晚都收7點半真係唔得掂呀
我: 係呀係呀... (但我心入面係 -O-)

老實講
出面D公司收7點半真係唔算好遲
如果以audit比,7點半簡直係正添啦
而呢位同事只係做左兩年,同比我大兩年
但佢既思想已經變成咁


其實我好驚會比佢地同化 -,-

2013年8月31日 星期六

大學.

今日同陳煥婷係沙田等位個陣
聽到隔離3個女仔係到討論ocamp組聚組代etc

4年前既我大概同佢地1樣對大學生活充滿憧憬
而最終我既大學生涯都係過得唔錯
只係過得太快
到依家出黎做野
就會發現當日無憂無慮係幾咁開心


2013年8月26日 星期一

落位後第一日.

Induction後第一日落位做野

都係行下個寫字樓解釋下主要嘅duties
Record management (manage files-,-)
Environmental audit (ensure all our dept offices can operate effectively)
Secretary of dept sports committee (prepare minutes and call meetings)

呢三樣可以概括哂我之後兩年嘅工作

工作環境同事全部我都覺得同自己唔夾
今日全日做過嘅事見過嘅人我都會不自覺地係腦入面assess究竟我係咪真係適合呢份工
每次我都得唔到正面評價
然後好累好唔開心

好想辭職。

2013年8月24日 星期六

生日.

咁快又一年lu~
舊年既生日願望其中一個係希望可以搵到份自己喜歡既工
結果去到今年我仲未揀好

一直以為政府係唔錯既
人工夠生活/比家用/儲錢/投資
可能會悶少少
同事會老少少
環境會死氣沉沉少少
做既野會瑣碎少少
但起碼有私人時間
壓力又冇咁大

但去到今日派posting
覺得好似做到退休都係做緊admin
呢份工係咪真係適合我呢?

其實呢一個禮拜以來
每日收工我都會諗好唔好繼續做落去
我會唔會後悔

頭先夜晚坐底同屋企人傾
佢地叫我揀份自己喜歡既工
連一直都支持我做政府既老豆都咁講

好煩。

2013年8月19日 星期一

first day.

yeah
冇穿冇爛安然渡過第一日!

全班有19人
14個女仔:5個男仔
14個CU:5個non-CU
仲有好多bba人 O_O

classroom training係有少少悶的
但放左咁耐假抖足精神
今日其實都好快過~

好想快D到星期五
好想快D知posting呀!!!

唔好係訂文具/manage file/偏遠地區/冇挑戰性/好悶既posting就好喇。

2013年8月18日 星期日

new start.

從五月二日考完final到今日八月十八日
三個半月既悠長暑假終於劃上句號
原來咁就過左我學生時代最後既一個暑假喇

讀左廿年書
聽日就唔再係學生喇
真真正正要出黎做野搵錢
真係有D唔捨得學生生活

以前總有藉口覺得自己係學生
仲有好多時間好多青春
就算做錯一個決定、行錯一步
都總會有另一條路
而屋企人、朋友都會係你身邊
好似唔需要負D乜野責任

但聽日開始就要走出溫室
為自己每個決定負責

希望一切順利
加油。


2013年8月4日 星期日

未來.

這兩天都在煩自己該選哪個offer
剛剛跟正在big4 audit工作的組爸通電話
他說妳還年輕,才廿十多歲,一路於政府裡做到五十歲退休,這是你要的嗎?
他說若果將來想在商界闖盪,選audit比較好,至少有cpa牌,前路還滿多的
他說妳要仆街一次才懂得自己要的是甚麼


談完了還是不知道自己想要甚麼
頭幾年的話錢其實不太重要
更重要的是找到自己的路
明顯地我要踏出去才知道自己想要甚麼不想要甚麼
但我要怎樣選?

大部分朋友都叫我選政府工
會叫我想清楚的只有正在做EO的上莊
甚至支持我入big4的這個組爸

屋企人雖然沒有說甚麼
但我知道我爸是想我入政府
安安穩穩地生活
閒時做點自己喜歡的東西

他說:[好少人會真正喜歡他的工作,大部分人都是為了生活而工作的,找個興趣填補就可以了]
其實這句說話是我去年跟我媽說的

但工作佔掉人一生很長的一段時間
我也想在工作上取得一點成就和滿足感

迷茫again.

2013年7月30日 星期二

飛虎出征.



星期六同梅去左睇[飛虎出征]
諗住輕輕鬆鬆笑一餐

成套戲都冇乜劇情
只係講一隊飛虎隊隊員想去澳門叫雞
但礙於飛虎隊要出境係要同上頭申請既
用叫雞黎做原因實在唔得 (其實我又唔覺得會唔得既-,-)
所以就偷渡去澳門

點知係澳門夜總會撞正司警查牌
比人拉左再偷走出差館然後遇到澳門賊王blablabla

最後當然大團圓結局

開頭係OK好笑既
但去到中段就冇料到
係夜總會個場戲仲有好多囡囡唔著衫X_X
感覺好賣弄色情

整體都係[低俗喜劇]好笑D。
(雖然都係冇劇情可言-,-)

Rejection.

上星期終於收到電郵告知我九月二號要上班了
只是那是一份我不打算做的工
才發現是時候寄rejection letter


好灰

其實我也是掙扎了很久才作了決定
現在要親手狠心地起個稿我的心情很矛盾
好像對不起這間公司這個offer
畢竟在找工作時的我對這個offer還是很著緊很上心的
現在要親自拒絕
內心實在不好意思

每打一個字
心入面就想一次究竟我是否要拒絕
我會不會後悔
很糾結 T_T

幾經辛苦寫好了
又沒有決心按個發送鍵
還是不能狠下心呀




2013年7月26日 星期五

中國合伙人.


上星期二趁就黎落就去左睇[中國合伙人]
其實係歐洲之旅之前已經想睇
只係番到黎套戲都上左成個月
加上呢D咁大陸既戲都唔係個個岩口味
所以
我終於踏出第一步
自己一個人去睇戲喇!!!

睇完之後感覺係
其實都唔需要去戲院睇
但慶幸自己睇左
haha

故事係話3位主角係大學認識
當時中國既大學生都嚮往美國民主自由既風氣
大家都有住美國心
而佢地都唔例外

畢業後只有其中一位有機會得到美國簽證
一個顧住拍拖
一個就開左間補習社

黃曉明既補習社越做越大
拍拖既甩拖後都加入左補習社
而本身係美國個位撈得唔掂最終都番左中國
3個就成為左補習社既合伙人

之後就blablabla咁講中國已經逐步強大
但美國人都仍然歧視中國人
唔相信佢地既能力

成個message就係<中國是最好的>

除此以外
描寫三位主角既兄弟情都幾感人
或者呢D就係男人既浪漫 haha

由學生時代一齊講理想一齊為同一個目標奮鬥
到畢業後各奔前程天各一方
開設補習社後三個人終於可以聚首一堂將生意越搞越大
但其實做生意時已有利害關係
冇左以往既單純
就覺得有點可惜

咁當然啦
戲呢D野就梗係大團圓結局
大家開開心心咁解決晒所有問題
但現實好難做到

另一個感人位係黃曉明既初戀女友成功得到美國簽證
去美國繼續升學
Long D不成功
最終透過電話輕輕一句:[究竟係我地改變左世界,定世界改變左我地]
就完了

多年後男既事業有成
係公司樓下撞番呢個女人時
佢已經拖住個小朋友
黃曉明獨白:[分手後,曾經幻想過有好多種唔同既相見方式,但就冇諗過會係咁樣]
加埋佢眼角滴眼淚
搞到我都喊埋一份 TT_TT
sosad

加插初戀女友走之前既電影配樂 好夾 /_\





怪獸大學.


尋日終於都睇左[怪獸大學]
本身都唔係話極之非常想去睇
因為對第一集既[怪獸公司]唔係好喜愛
甚至完全唔記得講乜

但作為1個有羊群心理既香港人
就趁星期二特價同老豆去左睇

未睇之前對片頭小電影係有D期望既
因為每套睇過既PIXAR短片都覺得幾有意思
又好得意

但今次套[藍雨傘之戀]會唔會頹左少少
同埋唔係好夾[怪獸大學]
D小朋友應該會覺得好悶
連我老豆睇睇下都問:[我地唔係睇呢套戲呀嘛?]
sosad

呢套戲既畫面真係做得好細緻
D怪獸整體上睇落色彩繽紛
但認真睇又冇一隻吸引到我覺得佢超得意 -,-

劇情都係一般嘻嘻哈哈大團圓結局

如果要比的話
我會鍾意despicable me2多d
雖然故事性較弱
但擺明車馬膠片一套
笑位更多
minions好得意!
至少我睇完despicable me2係開心D
haha



2013年7月21日 星期日

LA Creperie.

這個crepe挺不錯的煙煙韌韌 又不太甜


從米蘭帶回來的朱古力手信
那家店的Gelato超好味!
滑到可以拉出來的
所以人超多!

左邊的海鹽味好咸-,-
右邊的薰衣草好特別
















日本福岡的蝦片手信
超可愛 *U*





















2013年7月17日 星期三

內疚教曉你的事.



星座說處女座的人特別愛自我反省
然後將錯都攬在自己身上
所以閒時想起往事總會內疚
覺得自己做得不夠好
特別是在夜裡

有時內疚得生氣
氣自己的蠢

內疚給我們的課很深刻,你永遠也不會遺忘,因為你一想要忘記,心就會痛。

hey there.

xanga無聲無色就消失左
2013年7月15日 最終因為籌不夠錢 陪伴整個中學生涯的xanga關了
可幸有archive
但還是有點懷念睇其他人既xanga就能耗掉一天的日子 

唉.