上星期因為好想食譚仔既尖椒皮蛋所以同病左既同事SHARE左1碟之後我都病埋TOT
然後我發現病左真係好辛苦 (雖然只係氣管發炎)
1. 帶左口罩之後，連抖啖氣都會比人發現，因為副眼鏡會起晒霧/_\
2. 帶左口罩1日之後塊面會好焗，然後生左好多粒粒/_\
3. 對耳長期塞住，我以為自己聲量同平時1樣，但原來我老闆今日話我做乜咁大聲同佢講野，佢以為我鬧佢然後佢心靈受創，比我之前叫佢食屎更傷心/_\
4. 望野成日會集中唔到然後OUT左FO，又或者眼花睇錯[嗓音特訓課程]做[噪音特訓課程]/_\
5. 因為個人好呆所以呢幾日特別容易比人嚇親/_\
6. 因為真係好唔鍾意食藥，所以多左1日4個最唔開心既moment，而係每次食藥前1個鐘開始情緒低落，不自覺地唉出聲 (係我老闆講先知-,-)
7. 因為真係好唔鍾意食藥，所以連同食藥時要飲既水都好討厭，1飲水就諗起食藥TT_TT 所以呢幾日除左食藥，我冇飲過清水，其餘時間都係飲檸檬水/_\
8. 訓覺個陣不自覺地咳得太大力，第2日起身發覺自己一咳個心口好痛/_\
9. 訓覺個陣氣管收縮，搞到抖氣時有hehe聲，嘈到自己都訓唔著/_\
