今日係長崎1日遊～
目的地係軍艦島同原爆資料館!!
一大早就搭2個幾鐘JR由福岡落長崎～
落左車之後仲好游閒咁慢慢行去碼頭
冇留意原來要係開船前半小時去到T_T
趕到仆街TTOTT
雖然遲左少少，但好彩坐到上層
長崎港兩旁既景色
船員一路都會用日文講解兩旁係乜野黎，如果我識聽就好/_\
吹到頭都甩終於都見到軍艦島!!
上島前1刻真係好興奮～因為太大浪既話係上唔到，只會圍住個島轉1圈
我地好好彩呀^O^/ (雖然出發前有check定邊日好天先join tour haha)
左上角係高級職員宿舍，右後方係學校～
中間既樓梯就係當時礦工進出礦坑之路，個陣係可以挖到1000米深O_O
後面白色既水塔就係用黎透過海底水管運輸來自長崎既食水
據說係日本第1棟用鋼筋建造既大樓
左邊既高牆係防波堤，打風時既浪係超大!!而當時既婦人會企係左邊大樓上睇浪，當係娛樂O_O
整個tour可以留係軍艦島上既時間只有半小時，
有3個checkpoint有講解，講者都係當時住過係軍艦島既伯伯，
但淨係得日文/_\
所以我地拉住1個職員做翻譯haha
之後就上返船，圍住個島轉1圈～
島既另1面係低級職員宿舍，但因為驚會倒塌所以冇得參觀，只好遠觀/_\
作為1個疑心重既女人，硬係覺得呢個島隱藏住重大秘密，
如果唔係點會唔開放更多部分?
點解會變成一片頹垣敗瓦?
係返福岡既JR上，
my frd睇左RTHK拍既1套關於軍艦島既節目，
當中提到附近既池島都係1個採煤為主既小島，
依家仲有人居住，亦有tour介紹當時礦工既生活，仲可以入礦坑體驗，
好似幾有趣，下次可以去～
搭電車去原爆資料館～
入面有好多當時長崎受破壞既相同物品，
亦有原子彈既模型，
睇到D資料都覺得好慘好慘好慘，
地面溫度可以達到3000度，
連骨都化埋，
就算執返條命，
核有關既病都可以令你痛不欲生/_\
雖然係好慘，但資料館對於美國投下原子彈既原因太著重於當時Truman 1句in order to save more and more Americans.
好似想表達美國救自己人at the expense of日本人，
但如果冇日本偷襲珍珠港呢個導火線，美國又點會加入二次大戰，甚至投下原子彈呢?
資料館對於戰爭背後既原因著墨太少，好似想遮掩軍國主義既1段歷史，
我諗呢1樣就係日本同德國對待歷史最大既分別。
岩岩上個sem上japanese foreign policy時，
professor提過日本其實向中國對於中日戰爭作出多次道歉，
係中國1直舊事重提，
暗示歷史係中國共產黨既propaganda，
但除左呢D口頭上既道歉，
實際上我係呢1個有咁多學生參觀既資料館之中，
只係覺得日本有意淡化歷史上既過失，
根本就冇正視既意味。
過左fruitful既1日就返福岡～
如果有機會的話，我諗我會再去長崎，
仲有部分同鎖國時期有關既景點都冇去到～
例如電影silence中提到既五島，
當時住左好多日本基督徒，係鎖國期間被政府迫害，都係係長崎～
夜晚屋企附近有Hakata Street Bar event～但我地影左幾幅相就去左屋台 hahahaha
屋台識既oppa^O^/
