盧吉道至西高山.

 7 Nov 2020

趁近排天氣開始轉涼，又想做運勳減肥，就決定去行下山～

想有個easy start鼓勵下自己，所以揀左易行既西高山，仲要揸車去到山頂廣場先出發haha

由盧吉道出發，沿住維港小徑行，行左冇耐就見到壯闊既景色～

一路行都會諗究竟D車點樣可以揸到入黎，條路咁窄!

一直行到夏力道會見到山頂公園feel既涼亭

越過涼亭到後面既小徑上西高山～

指示牌話只係行30分鐘就到!

不過要keep住行樓梯上，中途冇休息點^_^"

feel到後面有人既時候會有壓力，驚佢地會覺得我行得好慢haha

所以適當時都會行埋少少畀其他人行先～

沿途都會有指示牌話比你知上到幾高，1/4 --> 2/4 --> 3/4 --> 終點!!

上到去左邊會見到薄扶林水塘同數碼港一帶既景色，右邊就係中上環同九龍半島～

雖然其實同岩岩係盧吉道見到既景色差唔多^_^"

影左幾張相就落山，去返涼亭後繼續沿盧吉道行返去山頂廣場

臨尾會見到個小瀑布

全程行左大約5.5km，1小時45分搞掂～

台北三日兩夜食食食之旅. (2)

12 May 2018 (Sat)
起身後就去左上引水產～

今次都係去立食區

叫左一個set再加多杯啤酒 ^O^/

本身諗住食少少野就去試其他區既野食

點知已經好飽食唔落 ^_^"

海膽最好味～

食完就搭巴士去民生社區既微熱山丘
抖抖食件菠蘿酥就去返誠品松菸店買海邊走走～
順道去多次尋日已經賣晒既[十間茶屋]

今日終於都試到佢既冷泡茶

佢間舖頭好好影，但茶就真係麻麻

之後因為太熱就返左酒店休息下

去到傍晚先出去食飯～

晚飯去左食京都屋鰻魚飯，炭火燒幾好味～

之後就行落西門町飲台灣手工啤

13 May 2018 (Sun)

第一站去左酒店附近既鼎泰豐

本身想食小籠包

但竟然要等兩個鐘!!

我地冇等到就去左萬事得showroom

之後google搵到附近有間米芝蓮推介既杭州小籠湯包就決定去試試

menu同鼎泰豐有9成似，但味道真係差好遠/_\

食完正餐就去食甜品～去左來自清邁既奇維奇拉

呢個泰式奶茶冰真係好好味～不太甜但又有濃濃既泰式奶茶味

食完就返酒店拎行李

咁就食左3日喇T_T

有人見到個咕𠱸就係咁話[你最鍾意既雀呀]x100次

所以臨走前就同佢影返張相啦-,-

台北三日兩夜食食食之旅 (1)

2018.5.11 (Fri)
由於Winsome要去台北做野
咁我就趁weekend過去hea返幾日\^O^/

一到埗㩒完錢就見到佢喇 ^_^

之後就搭捷運由桃園機場出台北車站

原本以為會好似機場快綫咁快

但現實個車速係仲慢過火車 /_\

所以走個陣都係搭機場巴士～

去到台北車站第一樣要做既就係食飯!!

飛機餐得個雞卷真係唔飽 /_\

所以就去左舊老闆推介既金子半之助食天丼～

但食食下覺得好heavy就冇食晒成碗

明明之前仲係咁嗌肚餓 hahaha

食飽就去酒店check in～

有個遮住左既101 ^_^"

今次住忠孝復興站附近既home hotel

係東區所以去邊都好方便

間酒店都好著重sell台灣野

連沖涼用品/茶包/傢俬都係台灣本土產品

床側邊有本catalogue有介紹房入面既產品仲有價錢

倒如個垃圾筒係模仿蒸籠設計

好得意

之後去左酒店附近既matcha one食tea～

抺茶咖啡

抺茶啤酒

抺茶千層蛋糕

抺茶tiramisu

結論係全部都有改善空間

雖然影相係幾靚 haha

之後出發去誠品松菸店同附近既小店買手信～

係果源買左盒餅

4款味都好特別

不過鳥結餅最好味，食到最尾有淡淡既蜜糖香 ^O^/

夜晚去鼎王打邊爐～

D豬肉同鴨血好好味～

鹿兒島宮崎賞櫻之旅. (1)

30 March 2018 (Friday)

一切由誤打誤撞買到平機票開始

成就左我地第1次既旅行 haha

到埗後發現我個行李箱爆開左/_\

拎完車就搵地勤職員幫我寫張證明claim保險用

所以搞左一陣先出發去第1個景點忠元公園～^_^"

途中經過一個小公園

入面都有好多櫻花 O_O

仲有條火車軌～

好快咁影左陣就行程去忠元公園～

D日本既小朋友好幸福，可以係櫻花樹下玩～

忠元公園有個超大草地～～

仲有好多櫻花*U*

影完相就返鹿兒島市區食飯～
去左[壽庵]食鹿兒島黑豚^O^/

D炸豬好juicy～

shabushabu豬肥而不膩好好味～

食完飯就去左行激安

返酒店浸左個溫泉就訓lu～