大概係5月溫書溫到好悶個陣楊海寧提議6月去台北我即刻lur飯應T_T
所以就係我打完大佬既weekend出發!!!!!!!!!
11 Jun 2016 (SAT)
online check in時發現可以揀premium econ位
咁梗係試下坐啦!!
點知去到機場佢將我地掉番去econ位-,-
去到台灣買電話卡/atm拎錢就起程去酒店check in～
今次住西門町既Roaders Hotel
以連稅計每晚$650我覺得性價比都OK
因為lobby有即食麵同汽水免費任食～而且房都新淨(係細左少少同冇窗)
之後就出發去[好氏研究室]!
由於太肚餓既關係～點左個咖哩飯同奶茶!
個奶茶其實冇乜特別，純粹比人影相呃like
同埋我prefer佢沖埋比我，因為我真係唔識沖T_T
個野菜咖哩飯幾特別，係第2度應該食唔到呢種味(但唔係我喜歡既味haha)
同埋原來飯會跟1杯茶，都幾香～不過搞到我飲左好多野/_\
agnes點既brownie～試左一啖都OK～
店入面仲有賣其他(見到都唔會買既)雜貨
例如上圖既魚骨標本
1樽細既都要2,000台幣!! (台灣腔: 哇塞台灣人真有錢喔)
總括黎講就係冇令我好驚艷既咖啡館
但如果我係本地人既話可能都會約下朋友去呢度飲杯野傾下偈～
之後係附近住宅區行下就去下一站[動物誌]!
點左2枝酒～我揀左金嗓鳥蘋果酒
落單時店員話這個不甜喔，有驚過會唔會太啃
但入落口都OK，就係唔甜酸酸地咁!
飯係泡菜+豆腐+蛋+卡滋(個舊炸炸既野)
其實我覺得所有野只要加左泡菜就好難會唔好食
因為泡菜太重口味haha
所以呢個飯都OK(但又冇令我好驚艷要WOW出黎)
夜晚番西門町行左陣
原本諗住去UNIQLO買件打底背心
點知買多左件背心同寬腳褲T_T
估唔到我地去到台北都係要去UNIQLO買衫LOL
12 Jun 2016 (SUN)
早餐去左試[西門町豆漿]
成間舖得左邊個阿姨1個打點，每個月淨係休息1天，好犀利!!
海盜飯團，好味!
之後途經呢度
因為要幫我阿媽買野，所以一見到有屈臣氏就想即刻衝入去～
但點知原來呢度係文創區
屈臣氏已經變左做書局
感覺呢個區都幾特別
同埋係冇計劃之下去
有種挖到寶既感覺!!YEAH
由於要趕行程就冇細行
去左中山區既新光三越兜個圈～
門口有呢D好得意既香蕉人!!
之後我地去左東區食[天府麵庄]
門面冇乜特別
但BLOG度話呢度係胡天蘭有介紹過
而胡天蘭都有上過好幾次康熙既美食單元
我覺得佢既講評比其他食家中肯同埋有深度
感覺是個懂吃的人～
點左個涼麵同燃麵
唔知我對面個女人係咪太爛口
問我撚麵究竟係乜
明明MENU係寫燃麵-,-
兩款麵都唔錯
麻麻地不太辣又幾香
燃麵既麵質QQ有咬口
$30台幣一碗我覺得好抵～
經過花店見到買花既全部都係男仔，然後我地assume台北既男仔都好浪漫會成日送花比女朋友haha
之後去左東區行街
發現台灣D衫都幾貴
普遍都要$500港幣左右1件
實在係買唔起
所以就去左[the lobby of simple kaffa]食tea～
冇酒精既咖啡啤酒～成杯都係咖啡但打左汽
所以飲落會有飲啤酒個種有汽既感覺
但又比一般咖啡淡口
對於唔飲咖啡既我，真心覺得呢款咖啡啤酒好飲有趣!
當初係被呢個綠茶卷吸引左想去食
見到佢既流心就好想食左佢!!!!
結果不負所望～綠茶好香流心好流，好味～
agnes眼都唔貶咁望住上面個位氣質店員
搞到人地以為我地要點餐-,-
另外我地隔離枱都有個靚女!!
台灣真係多靚女，個個都又白又滑又瘦皮膚又好身材又好T_T
食完就去行多個圈飲杯果汁～
我個杯好似係奇異果+綠茶，幾fresh~
見都幾多人就try try啦!
之後去微熱山丘買菠蘿酥
其實佢間舖真係in the middle of nowhere
而且香港都有得賣
但都想買個台版比我阿爸阿媽試下，順便解決同事既手信!
但真係太飽喇/_\
跟住就拎住重重既菠蘿酥去附近既富錦街逛下
D舖頭都幾有日本FEEL
靜靜地好舒服～但入面D野都係幾貴同唔會買既野haha
其實我唔明curry and coffee係夾唔夾
有另1間pancake教室
如果我買左呢D粉就可以整到咁靚就好喇*U*
夜晚去食無老鍋
搭的士時個司機好好客係咁同我地傾偈
但佢手車真係好chok
chok到我暈車浪個腦load唔到就輕輕同agnes用廣東話講左句[我唔得喇你同佢傾偈啦]
點知原來呢個女人都暈緊車浪
仲要同佢講到落車
大家都真係好想嘔T_T
無老鍋限時90分鐘，其實真心唔夠時間!!
所以一坐低就要點餐
野食都好快上枱
服務好好幫我地落晒D野去個鍋度～
豆腐湯同麻辣湯，紅色有藥材味我幾喜歡，但白色係乜野味我已經唔記得左-,-
腐皮加好似丸既魚捲
肥豬肉*U*
地瓜同紫薯波幾特別～
托agnes既福先有幸飲到學生先有既菊花茶～(但隻味好假!)
枱上面有溫熱既高湯比你feel free加～我覺得都幾貼心
呢2篤屎叫唔知乜野雪糕，係可以放埋落湯度1齊煮，其實係豆腐，個質感幾特別
總結無老鍋服務/ 環境/ 紅色湯底都唔錯
但D丸1D都唔彈牙
配料選擇少
價錢都唔平 (人均HKD$200)
仲限食90分鐘好趕
下次都係試第2間～
