盧吉道至西高山.

 7 Nov 2020

趁近排天氣開始轉涼，又想做運勳減肥，就決定去行下山～

想有個easy start鼓勵下自己，所以揀左易行既西高山，仲要揸車去到山頂廣場先出發haha

由盧吉道出發，沿住維港小徑行，行左冇耐就見到壯闊既景色～

一路行都會諗究竟D車點樣可以揸到入黎，條路咁窄!

一直行到夏力道會見到山頂公園feel既涼亭

越過涼亭到後面既小徑上西高山～

指示牌話只係行30分鐘就到!

不過要keep住行樓梯上，中途冇休息點^_^"

feel到後面有人既時候會有壓力，驚佢地會覺得我行得好慢haha

所以適當時都會行埋少少畀其他人行先～

沿途都會有指示牌話比你知上到幾高，1/4 --> 2/4 --> 3/4 --> 終點!!

上到去左邊會見到薄扶林水塘同數碼港一帶既景色，右邊就係中上環同九龍半島～

雖然其實同岩岩係盧吉道見到既景色差唔多^_^"

影左幾張相就落山，去返涼亭後繼續沿盧吉道行返去山頂廣場

臨尾會見到個小瀑布

全程行左大約5.5km，1小時45分搞掂～

SINGLE HIKING@三椏村

24.12.2017 (Sun)

一開始諗住行新娘潭，
但後尾改左去烏蛟藤，一直行入三椏村，再沿路折返
行入三椏村沿途有停低影相同休息，所以用左差不多兩小時
入到去都已經4點/_\
一心諗住有街渡可以坐返出去，但方圓十里都冇T_T
淨係得幾隻遊艇-,-
最後加速折返1.5小時就完成左!!

整體黎講條路都OK易行
因為冇上斜落斜
係沿途碎石較多要小心D行

一開始就見到呢個好似仙境嘅地方*U*

之後行左冇耐就見到紅葉，今日東張西望都有介紹^O^/

除左無數嘅小溪，行到接近三椏村仲有紅樹林～

single hiking.

今日去左龍蝦灣郊遊徑行山～
搭91號巴士係下洋站落，穿過村屋群行返去馬路，
途中會見到龍蝦灣石刻，

好近個海呀～

過1段路就會見到馬場，
幾年前同楊海寧左轉上草地野餐，
今次就右轉上郊遊徑～

上山既地都幾爛，行唔慣山既我覺得幾辛苦/_\

但望返落去個view都幾靚*U*

上山途中跌左鏡頭蓋狼狽的我T_T

全程2.3km 行下抖下影下相大概2個鐘就完

但我依家對腳已經超累hahahahahahaha

簡單的生日.

自從上星期知道左阿B既化驗報告結果係惡性血管肉瘤後，
醫生話阿B淨係得番2-3個月既時間，
所以放假同放工後都盡量陪阿B，
好好陪佢行埋最後1段路。

今年既生日冇慶祝，
只係請左半日假返屋企照顧阿B，
同佢訓左陣晏覺，
之後落街散步。

夜晚近近地係青衣城食個飯就快D返屋企睇阿B，
再夜少少就1齊食個蛋糕。

往年既生日我都會好貪心咁許好多個願望，
但今年既願望淨係得1個，
希望奇蹟會發生啦!!

30.7.2006

仲記得2006年7月30號係星期日，
個日我地如常去左狗狗街睇狗狗，
個排我LUR左我阿爸阿媽好耐，
想養隻POODLE，所以個陣我地時不時就會去個邊睇下狗狗。

我地個日係門口見到有1隻黑色心口同咀仔都係白色既poodle，
店員抱左佢出黎比我地睇，
佢1黎就係咁鍚鍚我地，好熱情好可愛，
就係咁，佢就黎左我地屋企，
眨下眼原來今日已經10年。

2016年7月29號星期五，
夜晚學完boxing如常返屋企，
但阿B冇如常咁跳跳紮歡迎我，
只係靜靜地爬係遠處，搖搖尾。

我問阿媽阿B係咪唔舒服，
因為佢近排有時會dup晒尾，側側頭，好似好累咁，
阿媽話佢頭先食飯都冇事，
但之後瀨左2次尿，阿媽以為只係佢百厭。

我不以為然，之後去左沖涼。

係廁所聽到我阿媽係咁叫阿B阿B，
越叫越急，
我即刻沖出去，話帶阿B去睇醫生啦。

個陣已經11:30pm，即刻google搵夜診既獸醫，
去左太平道動物診所，獸醫簡單檢查過阿B之後就帶左佢去照超聲波，
一返入房就同我地講阿B脾臟有1個大腫瘤，腫瘤破裂以致內出血，情況好嚴重。

1. 佢要止血
2. 要密切留意情況，因為隨時會再內出血，嚴重的話會失血過多而死
3. 要切除脾臟，雖然脾臟平時冇乜作用，但切除脾臟後，狗狗會抵禦唔到牛脾熱
4. 化驗腫瘤係良性定惡性，如果係良性就冇事
5. 如果係惡性的話，好可能已經擴散到其他器官，令到其實器官功能慢慢衰竭，最多只有3個月壽命

當晚聽到呢度我冇好大既反應，冇喊，
因為我唔相信阿B會走，雖然佢行唔郁，但明明眼仔仲好精靈，仲係我地既阿B呀。

我阿爸阿媽想要2nd opinion，所以我地堅持要帶阿B走，去第2間診所睇多次。

第2間診所既醫生都係咁講，要阿B即刻做手術，好危急，但佢地冇血包，做唔到。

返去第1間診所時，獸醫拒絕再醫阿B，所以我地即刻去左灣仔既VSH。

醫生同護士都好好人，佢地好盡力咁幫阿B，
比氧氣佢聞，比毛巾佢披住，入左D暖水落水套度幫阿B保暖，
亦都照左肺部X光，因為如果擴散到肺部，就算止左血，阿B好快都會離開我地，
好好彩，佢個肺仲係清既。

但礙於金錢上既考慮，我地實在係負擔唔起，
而且要等到第2日先可以有醫生幫阿B做手術，
醫生就幫我地打電話去愛護動物協會，
個邊都係話醫生做緊緊急手術，
要去到4am左右先可以睇到阿B，
同埋我地要買定血包過去，佢地冇供應。

衡量過金錢同時間，
我地即刻過灣仔既SPCA，
個邊既醫生好有心機，
佢用超聲波照晒可以照既部位，
因為脾臟癌會首先擴散到肝，之後就到心臟，
好好彩醫生照到阿B既肝冇腫瘤，
所以佢話會等阿B輸完血，血指數穩定落黎之後就做手術切除脾臟。

4am左右我地就走左，
6am收到姑娘電話，話阿B情況已經穩定，隨時會幫佢做手術，
8am再次收到姑娘電話，佢話手術好成功，已經切除脾臟，同埋旁邊有黑點既脂肪組織，懷疑係有癌細胞，可以做既醫生都做左，肉眼睇唔到既就要等腫瘤化驗結果先知，大概2星期後。

我成晚都訓唔到，一合埋眼就好擔心阿B會離開我地，
就算好累好累，最後已經累到訓著，都夢見阿B走左，
然後係咁喊，食早餐諗起阿B平時會撲過黎個為食樣會喊，
係麥當勞食包想分D比阿B食時會喊，
係屋企見到佢平時D波波又喊，
總之成朝都好擔心。

下晝2點我地去左探阿B，
佢個樣好累，眼都睜唔大，但見到我地個陣會盡力睜大眼，想行過黎我地身邊。
姑娘話阿B聽日可以返屋企休息，同埋其實呢個係大手術，往後既日子我地已經賺左，
有時間就多D陪下佢，可能幾個月後佢就會走。

一路聽姑娘講野眼淚就係咁流，
我唔捨得呀，
點解要係今日你陪左我地10年既大日子知道你好快就會走既消息，
我平時對你都未夠好，點解你要走呀。

我阿爸阿媽反應冇我咁大，
只係想阿B可以舒服咁走，
亦都安慰我阿B黎到呢個世上有佢既使命，依家佢既使命完喇，佢可以重生，所以我唔洗因為咁樣而難過。

記起曾經係長洲同同事見到有幾隻流浪狗，
我話佢地好慘呀冇主人照顧，
同事話可能佢地依家自由自在仲開心呢，
個陣就覺得凡事都有2個睇法，
依家就覺得可能阿B冇左我地既照顧，去到另1個地方生活會更開心，始終我地都要返工，可以陪佢既時間唔多，
咁樣諗我會冇咁難過，
只係我真係唔捨得。

嗯，雖然化驗結果要等多兩星期先知，
可能係良性，
但我地已經做左最壞既打算，
係餘下既日子好好陪佢，
帶多D佢出去玩，
唔好令自己後悔。

ps 由尋晚返到屋企開始已經好想記錄低所有既經過，
但1諗起就喊，根本就打唔到，
終於心情平復返少少，
但始終都係要1路喊1路寫 TT_TT

遲來的offer.

今日終於都收到MIPA既offer letter，
當我同事早於幾個月前已經有offer，
一心諗住佢唔收我、傷心左1日之際，
係呢個時候竟然收到offer(可能係有人reject)!!

個陣自我安慰
1) 可能interview完左d professors都覺得我handle唔來所以唔收我
2) 而我其實根本就唔知international relations up乜春
3) 大學4年都冇寫過paper，難以想像master會點死 T_T
4) 慳番HK$138,000
5) 考完QP已經累到喊，休息1年先再讀書會更好

所以諗左1日就冇再失望，
之後仲報埋韓文班，
諗住係呢1年內好好學種外語增值下自己!!

點知韓文班只係上左2堂，依家就收到offer -,-

好彩可以考慮到27/7，但我諗會讀既機會都幾大，
書都係趁嫩讀 TT_TT

QP Final Exam.

YEAH終於都考晒喇!!! 

其實成個考試除左漫長既溫書日子好辛苦外
(每日10起身食完早餐一路溫到夜晚12點，中間1個鐘頭食LUNCH1個鐘頭食晚餐TT_TT)
另1樣令我好抗拒既就係由朝早9點考到傍晚6點(雖然中間有2個鐘lunch break)/_\
就算以前考alevel都冇試過1日考7個鐘試
真係仲辛苦過番工! (雖然我同事質疑我竟然用番工黎比，因為番工都冇辛苦過lol)
除左揭下notes外
考試期間對手真係冇停過咁滯!!
出黎做野之後真係好耐冇試過咁concentrate去考試喇

然後又要拖住個裝滿晒NOTES既GIP番屋企
隻右手真係好累～
番到屋企之後淨係係梳化度攤屍廢hea睇TVB好爽!!wakakaka

考完呢個試之後 (希望唔洗retake!!)
真係要抖番1年半載先可以再考試

考車記.

由上年7月報名，9月考筆試，2月開始坐上架車，去到早2日終於都考埋路試喇!!

抽籤抽到考培正道，
一開始有D驚，因為窩打老道多巴士小巴的士，公主道D車又行得快，
之後學車個陣師傅都話呢條路唔易考 T_T

上堂個陣又成日懶懶閒，覺得好似仲有好耐先考咁，
所以轉線個陣望下鏡就算，搞到師傅次次都話[轉線又唔轉身望隔離!咁就歡樂今宵再會架喇!]，
然後有時又太遲先踩brake搞到好chok，之後師傅就叫我要送枝跌打酒比佢捽心口，
總之學個陣真係好輕鬆，可以自己揸住架車開快D真係幾爽 ^O^

考之前個日先開始緊張，夜晚又訓唔著，
係咁諗如果考唔到又要再排過期，考個條路線又可能會唔同，要再學過，
加上考路試個日$1300蚊既租車費，
令我好驚fail左要再考過，又要比多幾千蚊 >_<

所以考之前2日都有補補鐘，行熟條考試路線，
考個日朝早8點9就係九龍塘練泊位同調頭，點知練練下黃雨-,-
個陣真係超驚，係大雨度連鏡都睇唔清，好擔心考個陣唔知點算 T_T

9點半左右去到試場，好彩個陣已經細雨左，
同埋見到有D考官好後生，大約30歲左右，
心入面諗如果有個後生靚仔考我就好wahahaha，
點知我個考官係個50歲左右既阿伯-,-
仲9點9就上左車對完資料就叫我去泊車，
個陣心諗明明我係考10:05，點解早左咁多，心情都未平復 TOT (最重要係冇靚仔)

泊完位考官落車望望，就叫我揸去前少少既位置做3手調頭，
停好車我就問佢呢個位開始做調頭得唔得，佢竟然串串貢咁話:[邊個位做係你決定架嘛，唔洗問我架喎!] 
心入面不禁diu左出黎，我都係問清楚D姐，洗唔洗咁惡 -,- (最重要係佢唔係靚仔)

之後調頭太緊張，冇跟足師傅既步驟，所以有少少太貼，
然後踩油發現架車唔郁先記得自己唔記得放手掣T_T
係呢個緊張既時候，考官竟然踩brake!! (師傅話佢1踩brake就歡樂今宵再會T_T)
真係嚇到我瀨屎，佢話佢要望清楚我有冇撞到喎，
唉，雖然冇撞到，但個陣心諗如果我連呢part都fail真係好樣衰，又要再排期同租車，又要比多幾千蚊T_T

完成左泊位調頭就正式出街考路試～
常盛街 -> 石鼓街 -> 巴富街 -> 公主道 -> 培正道 -> 文福道

從來都冇試過閒日朝早行考車路線，
所以一見到學校附近勁多車泊埋一邊，又多校車，連出路口都比佢地遮住睇唔清，
真係心都離一離!

然後又撞正整路，學車個陣都未試過-,-

好彩既係冇車cut我線，或者行人亂過馬路，
大家可能見我掛住個駕駛考試牌都好忍讓，
除左轉彎個陣唔小心踩住隔離線外，
路試都叫順利～

番到試場等左2分鐘左右就知結果，真係好efficient!!

一收到張分紙真係唔識睇，
望左陣就見到自己2part都pass左!!!!!!
實在難以置信，仲諗住我調頭fail左添，
為左唔洗再比多幾千蚊，充分發揮poor girl power，真係好感動!!!!!!!!!!!!!!! *\^O^/*

番到公司之後各位同事竟然話要投訴運輸署，質疑係咪我條裙太短所以先合格-,-
(前1日我老闆個老闆叫我著短裙去考，我師傅又叫我唔好著褲，但我有唔知醜地提出如果個考官想見多我幾面所以fail我點算hahahahahaha)
最慘係我阿媽都話好surprise我會pass-,-
原來大家對我咁冇信心，真係好失望 TTOTT

anyway~過左1年之後就可以申請國際牌自駕遊lu~~~~!

病的兩三事.

上星期因為好想食譚仔既尖椒皮蛋所以同病左既同事SHARE左1碟之後我都病埋TOT
然後我發現病左真係好辛苦 (雖然只係氣管發炎)

1. 帶左口罩之後，連抖啖氣都會比人發現，因為副眼鏡會起晒霧/_\

2. 帶左口罩1日之後塊面會好焗，然後生左好多粒粒/_\

3. 對耳長期塞住，我以為自己聲量同平時1樣，但原來我老闆今日話我做乜咁大聲同佢講野，佢以為我鬧佢然後佢心靈受創，比我之前叫佢食屎更傷心/_\

4. 望野成日會集中唔到然後OUT左FO，又或者眼花睇錯[嗓音特訓課程]做[噪音特訓課程]/_\

5. 因為個人好呆所以呢幾日特別容易比人嚇親/_\

6. 因為真係好唔鍾意食藥，所以多左1日4個最唔開心既moment，而係每次食藥前1個鐘開始情緒低落，不自覺地唉出聲 (係我老闆講先知-,-)

7. 因為真係好唔鍾意食藥，所以連同食藥時要飲既水都好討厭，1飲水就諗起食藥TT_TT 所以呢幾日除左食藥，我冇飲過清水，其餘時間都係飲檸檬水/_\

8. 訓覺個陣不自覺地咳得太大力，第2日起身發覺自己一咳個心口好痛/_\

9. 訓覺個陣氣管收縮，搞到抖氣時有hehe聲，嘈到自己都訓唔著/_\

..

為左增值自己，依家除左每晚睇半個鐘書外，
今日一收工就番屋企搵番個琵琶出黎，
但再彈番真係好難聽好難聽T_T
依家隻左手食指仲好痛/_\

..

岩岩食飯同我阿媽講起尋晚大角咀有個精神失常既人當街斬人...

我：等我仲以為個女人係小三比大婆斬，乜原來係附近間復康中心唔小心走左出黎走圍斬人，好恐怖/_\

媽：係呀，所以你遲D唔好咁睇唔開，一陣就痴左線...

我：-O- 乜你唔係應該擔心我會被人斬，而係驚我會痴線T_T

原來我阿媽係咁諗我wuwuwuwu

TOT

7到核爆之我竟然將尋晚新買既3對耳環連埋新衫既packing紙一齊丟左TT_TT

suspended from class.

ocean park.

上1次去海洋公園已經係中三既事
趁住佢有8月生日免費入場優惠
同行親友仲有7折
所以就係今日阿媽生日既正日入場行下～

今朝我一早9點已經起身
諗住一齊出去食個早餐就入場
點知我阿爸阿媽話佢地出去食完早餐先再番黎-,-

搞左一輪
12點3先出門口
而我係訂左6點半食晚飯
又要趕住係餅店9點收舖前去拎蛋糕

根本就唔夠時間呀!!

anyway我地搭地鐵個陣我阿媽仲問係咪係金鐘食埋lunch先入去
真係比佢地激死
咁不如唔好去啦-,-

入到場已經2點幾
趕住去食飯所以5點就走左
完全唔夠時間
好多地方都冇行到同冇玩過任何遊戲 (雖然我唔玩刺激既遊戲，但我入場前其實係想玩碰碰車/_\)
同佢地去真係好冇癮-,-

我覺得我要再去多次!!
成個公園都唔同晒 同以前去真係差好遠

被尤加利葉遮住訓緊覺既兩隻樹熊

因為個場太細而冇位跳跳紮既袋鼠

少數覺得毛神神都幾得意既雀

毛髮好順滑既金絲猴

一上到山頂見到D完全未見過既機動遊戲 (明明以前仲有個兒童遊樂場-,-)

孤獨失落既企鵝

當我影完周圍既企鵝再望一下佢，仍然係咁形單隻影，仲要攞個patpat得住我地

後面D皇帝企鵝好肥好得意^O^/

周圍仲有好多line既公仔

肥嘟嘟既海獅 (如果佢地識表演埋就好)

今日睇左好多動物
我覺得海洋公園係衛生方面做得幾好～
之前去京都水族館睇企鵝會有陣味
但今日去到冰極世界又冇
仲覺得D企鵝好乾淨
D毛好似好順咁
^O^

a beautiful store.

 

每日番工放工生活刻板，

放假去到呢D郊外小店就會覺得丫原來同一地方之下有人選擇過住另一種同一般人好唔同既生活。

淨係假期先開幾個鐘既小店有種逃離現實既感覺，

然後諗如果我都可以打理一間咁既舖頭都幾好丫，

賣一D小物加簡餐，

舒服既環境，

比人放低煩囂recharge一下，

其實都唔錯喎~!

不過自問冇taste冇錢冇時間，

都係發下夢算-,-

記得舊年平安夜我老豆話阿伯得番半年命
我覺得個晚成家都好靜

去到3月拎到畢業袍想去同阿伯影番幅畢業相
結果個陣佢個肺唔好
落唔到街
好易傳染
結果冇左件事

去畢業旅行個排已經半年了
有擔心過如果係我去旅行時佢過左身咁點算
好彩之後幾個月都冇大礙

只係每逢節日屋企食飯佢都唔會再黎
身體唔好只好係屋企休息

10月尾入左QE
個次係一年來第一次見到阿伯
佢個陣好瘦
老豆同佢講兩講仲流眼淚
大家都知乜野事

11月可以出院
但佢行唔到樓梯
要去阿嫲屋企住
每日訓係床上
食唔到野
只可以飲奶 希望有D營養

記得11月尾凌晨1點半收到電話
個刻我好驚
唔知發生乜野事
原來係阿嫲打黎話佢氣喘
入左QE

之後一直都係QE->九龍醫院->聖母醫院

直到12月10號凌晨3點幾既電話
姑娘通知情況好差
如果趕到既就去見佢最後一面

當時阿媽話同埋老豆一齊去
但老豆話唔洗
拒絕左兩次

結果佢一個人去
6點番左黎

個晚我諗會唔會係姑娘搞錯左
其實情況冇咁WORSE
之後阿伯就冇事

去到個日夜晚聽阿媽講先知原來阿伯已經走左

而我老豆亦都見唔到佢最後一面

原來咁就一年

慶幸既係
阿伯同姑娘講自己都玩夠喇
無悔

咁就夠喇

個排我有時會諗
如果係我知道自己就黎會死
會唔會唔開心唔捨得唔想死

即時反應係唔會
面對死亡
呢一刻，我唔怕

但當我再諗係身邊既屋企人
知道佢地會傷心
我就覺得自己唔可以死

雖然依賴住別人作為自己生存既意義係好冒險
但呢一刻我知道自己唔可以死

唉.

嗯
我真係好唔好唔中意依家份工
每日番工都要諗有D乜野可以做
當有野做既時候可能只係出下叫同事參與便服日既EMAIL
就會諗我讀左咁多年ACCT有乜野用
然後就會驚自己會適應到政府既工作環境
會變到好蠢、同商業社會脫節
係呢到又學唔到野
唔通呢一世我就係要咁樣過？

同埋我番工個日如果唔同同事出去食飯
我都唔知講唔講到10句野
除左飯腳
我覺得自己既工作上係零social life

我知道我依家係呢度係唔開心
就算人工OK有LIFE
但我都係唔開心

有好多呢D問題係我腦入面
而我解決唔到

轉工去audit
又唔肯定自己係咪真心中意同埋頂得順

所有野都好risky而我到依家都未決定到take唔take呢個risk

7點半.

今日收6點
但落到去落狗屎
咁岩撞到另一個EO一齊避雨吹左兩句

我: E～你都幾早走架喎
佢: 係呀，上個星期五比人捉住左搞到7點先走得呀，所以今日咪早D走囉
我: (知佢都係上星期先調過黎) 咁你之前個POSTING收得早唔早呀?
佢: 都準時架，6點就走得
我: 哦～咁都幾好喎，我個batchmate依家收8點呀
佢: 唉～其實真係好慘架，你諗下，如果晚晚都收7點半真係唔得掂呀
我: 係呀係呀... (但我心入面係 -O-)

老實講
出面D公司收7點半真係唔算好遲
如果以audit比，7點半簡直係正添啦
而呢位同事只係做左兩年，同比我大兩年
但佢既思想已經變成咁

嗯
其實我好驚會比佢地同化 -,-

大學.

今日同陳煥婷係沙田等位個陣
聽到隔離3個女仔係到討論ocamp組聚組代etc

4年前既我大概同佢地1樣對大學生活充滿憧憬
而最終我既大學生涯都係過得唔錯
只係過得太快
到依家出黎做野
就會發現當日無憂無慮係幾咁開心

生日.

咁快又一年lu～
舊年既生日願望其中一個係希望可以搵到份自己喜歡既工
結果去到今年我仲未揀好

一直以為政府係唔錯既
人工夠生活/比家用/儲錢/投資
可能會悶少少
同事會老少少
環境會死氣沉沉少少
做既野會瑣碎少少
但起碼有私人時間
壓力又冇咁大

但去到今日派posting
覺得好似做到退休都係做緊admin
呢份工係咪真係適合我呢？

其實呢一個禮拜以來
每日收工我都會諗好唔好繼續做落去
我會唔會後悔

頭先夜晚坐底同屋企人傾
佢地叫我揀份自己喜歡既工
連一直都支持我做政府既老豆都咁講

好煩。