簡單的生日.

自從上星期知道左阿B既化驗報告結果係惡性血管肉瘤後，
醫生話阿B淨係得番2-3個月既時間，
所以放假同放工後都盡量陪阿B，
好好陪佢行埋最後1段路。

今年既生日冇慶祝，
只係請左半日假返屋企照顧阿B，
同佢訓左陣晏覺，
之後落街散步。

夜晚近近地係青衣城食個飯就快D返屋企睇阿B，
再夜少少就1齊食個蛋糕。

往年既生日我都會好貪心咁許好多個願望，
但今年既願望淨係得1個，
希望奇蹟會發生啦!!