溫馨的家日本賞櫻之旅. (3)

26 March 2015 (Thu)

今日又係一早起身就去JR京都站食個靚早餐就搭8:15車去馬堀站

一個腐皮烏冬+白飯+生雞蛋，食完番HK搞到我個胃大晒!!

神奇蜻蜓路邊攤

9:00去到諗住買9:40既小火車車飛，但冇窗既第5卡已經賣晒!! 但好彩仲有左邊位，買完飛係月台影左陣相番入去9:15已經冇晒坐位，得番企位，crazy!!

一路都係呢種河川景致，如果D花開左會好靚，或者秋天睇紅葉都好靚，就算之前夏天去綠油油一片都比依家乜都冇好-,-

搭小火車到嵐山站一落車上少少斜之後就到竹林之道

之後去左竹林之道旁既天龍寺～

行左陣就去食Lunch，廣川鰻魚飯!! Tabelog評分有成4分，所以滿心期待!!

11:00鬆D去到仲未開門所以排左陣，11:20開門喇!! 一心諗住可以食第一輪，點知最尾等左成個幾鐘先有位T_T 入去見到原來得9張枱，佢仲係跟隊入，所以有D一個人既可以坐到4人枱-,- anyway我地叫左兩個3900Yen同一個5000Yen既set

幾片有骨既sashimi

5000Yen set先有既燒鰻魚內臟

散叫既蛋蒸鰻魚～第一次食蒸既鰻魚，原來都幾好味，D鰻魚好爽

 

主角鰻魚飯!!!! 我咁大個人食過最好味既鰻魚飯*U* 鰻魚燒得岩岩好，唔會乾晒柴，仲好juicy得黎又爽口!! 鰻魚飯汁唔會杰撻撻，又唔會太甜，所有野都係岩岩好!! 唯一唔好既就係D飯太少!!

門口有寫今日係賣乜野鰻魚，但其實我都唔知自己食左邊隻!! 我老豆仲話要鹿兒島既鰻魚

廣川 i will be back!!

嵐山熱鬧的街

見到個個都拎住杯雪糕搞到我地都忍唔住 (雖然只係岩岩食飽hehe)

跟住就行上渡月橋，桂川兩旁D人好悠閒咁野餐傾偈，佢地真係好嘆!! 不過overall我見到京都D人都係好hea，同埋明明閒日下晏條街都係充滿住人，好似唔洗番工咁

渡月橋

又係一球球既櫻花，好燦爛!!

原本諗住去金閣寺，但呢兩日已經去左兩間寺，而咁岩朝早搭JR時我老豆見到京都水族館既廣告有企鵝睇，同埋原來同JR京都站只係15分鐘路程，所以就決定去行水族館。

本身我麻麻地水族館，但一去到見到好Q多櫻花(對於我呢個時間去已經係好多-,-)，超興奮!!!! 原本京都水族館係梅小路公園隔離，個度有個大草地，勁多學生係到打波/ 師奶野餐/ 情侶談心，好正!! 如果我有多幾日時間我都想係個度野餐/_\

趴係度曬日光浴既企鵝～

海洋劇場。好鍾意佢個設計中空可以睇到外面既梅小路公園

仲有企鵝出黎同大家打招呼

行完水族館就去左河原町行街～夜晚求其係地下街食就算^O^

咁就完左2日京都之旅!

溫馨的家日本賞櫻之旅. (2)

25 March 2015 (Wed)

一早6:00幾就起身執野出發搭Haruka去京都!!

係酒店附近搵左好耐都冇早餐店，原來係正樓下地下街有間Doutor

Good morning Kyoto~!

今次京都我地住係Kyoto Tower Hotel，真係好方便!!

係正京都塔下面，一出京都車站就見到，不過係D房比較舊同細間(好彩只係帶左1個Gip去京都，因為房入面淨係開到1個Gip lol)，其他都唔錯～

擺低行李就即刻搭的士去清水寺

其實酒店隔離就有巴士去清水寺，但為左爭取時間所以就去左搭的士，原來只係1200Yen左右～

的士上唔到去清水寺門口，最接近只能係松板通落車再行上去

途中見到一棵佈滿花Lum既櫻花

走左入一間陶瓷小店影相，庭院好靚～

再行入少少可以眺望京都塔 

一開始就係比呢棵花吸引左入去，當然佢D陶瓷都好靚*U*

門口櫻花近拍

白色既櫻花都好靚好脫俗

如果已經開晒花就好/_\

據說求姻緣好靈既地主神社

入面有一對呢D石頭，好似話如果可以由一面合埋眼行到去另一邊就會好，但多人到行唔到X_X

如果已經開晒花就好/_\ X2

偷坐清水寺內既茶店拍照～

超多人排隊飲水既音羽之泉

如果已經開晒花就好/_\ X3

去完清水寺就去建仁寺祗園食懷石料理!

好彩上網 (一休) 有得訂枱，店家會腥email問我住邊間酒店，然後再向酒店查詢我究竟有冇訂到房，確保我當日係會出現。但由於我唔識睇日文，等左幾日先叫我老闆幫我翻譯，店家驚我收唔到email，竟然打長途電話比我confirm，真係好有誠意～!

沿途見到三年坂上非常搶眼既櫻花

垂落黎好靚~!

二年坂旁的小店裡既櫻花，一球球好得意!*U*

由於早左少少去到，佢地準備左5分鐘左右，由門口既侍應推門入去，一開門就見到女將跪左係地下度歡迎我地，真係受寵若驚，我咁大個人都未試過有人跪係我面前T_T

之後女將就帶左我地上去2樓既和室，上佢個網睇呢間餐廳得6間和室，一組客人一間，好高privacy! 間房都幾大，坐得好舒服～

一黎飲番杯櫻花茶，原來櫻花係酸酸地，唔知係咪因為醃過既關係

我覺得最麻麻既燒魚，不過擺得好靚，舊粉團係串住係支刺上面既O_O

超好食既壽司飯!!

我成世人食過最好味既白飯!! 好有飯味，黏得黎又粒粒分明～

甜品係柚子Sherbet好清新

食完飯行番出大街搭巴士去哲學之道～

如果D櫻花開晒應該好靚～

哲學之道上少數開左花既櫻花

細睇其實好多都仲未開/_\

哲學之道上既呢間女人頭舖頭除左有化妝品賣之外，仲有茶室，可以望住個靚靚庭院呷茶

散落於地上既花瓣

因為D花都仲未開既關係，哲學之道好似冇乜野睇咁，行左陣就去酒店checkin

夜晚行左陣JR京都站上既伊勢丹，D野老到喊!!!

夜晚行左去酒店20分鐘左右腳程既小店吟醸らーめん久保田食沾麵，出發前睇blog有介紹，之後再睇tabelog個評分都ok就諗住一試，點知去到得好少位，同埋平均食客既年齡層係20歲-,- 食落仲有好多味精，我阿爸阿媽好似唔多滿意咁，不過真係好多人排隊!!