ad hoc korea trip. (1)

由於8月17號夜晚曼谷大爆炸

原定係8月20號去泰國既我地最後決定轉去首爾

8月18號出飛

2日後出發~!! 係我最ad hoc既旅行lol

已經去過2次，所以今次都冇乜地方係超想去或者一定要去

hea下放下假就ok!

所以都冇乜點plan hehe

20 Aug 2015 (Thu)

好感動之我終於唔洗搭廉航TT_TT

雖然飛機餐麻麻，但CX真係有好多戲睇 jeng~

delay左一個鐘，番到酒店已經好夜zzｚ

21 Aug 2015 (Fri)

今日去左全州

係一個我地都未去過既城市

晨早流流8點去搭外國人專用既免費巴士

都搭左成3個鐘先到

個到有好多韓屋，同好多韓國人

個感覺有D似長洲，都係D Local放假會去玩既地方～

好鍾意呢度沿路會有一條小溪，感覺好清涼又可以同自然融合～(我地仲見到有個阿姑係條溪到拍video O_O)

lunch去左呢間由韓屋改建既餐廳食飯～!

我地叫左全州好出名既全州bibimbap

雖然叫個陣已經知道係有牛，但估唔到係生既牛O_O 其實撈埋D醬就唔係好覺有牛味既，但個質感好似食緊魚生咁，好奇怪，係咁諗住自己咬緊隻牛....

一路上都係呢D韓屋，如果冇咁多車既話其實都幾舒服～

我地仲借左韓服～10,000won玩到兩個鐘左右，好抵～同埋周街都係韓屋其實好好影，好多韓妹都有借~.~

D韓妹好鍾意嘟咀同捧住塊面，但唔知點解我擺就好怪hahahahaha

試左好出名既PNB朱古力批，但我覺得一般～

下午茶去左食昭福

其實上次已經想試，但佢地話好似屎兼唔順路-,-

不過其實都幾靚丫，有種淡淡既清雅，味道都好natural，我覺得ok喎，可以一試～至少香港冇

胎記

沿住石塊過河～雖然水好淺，但行個陣都好小心，好驚整濕

番出黎都幾塞車，去到光化門已經8點幾，之後就去惠化～

由於我地未去明洞唱錢，係機場只係唱左1500蚊(2個夾埋)，所以買野都要就住就住T_T

夜晚食左芝士豬肋骨～呢間都幾spicy!!

我條脷係出發前一晚又咬損左，真係好辛苦，食到我流眼淚T_T

ocean park.

上1次去海洋公園已經係中三既事
趁住佢有8月生日免費入場優惠
同行親友仲有7折
所以就係今日阿媽生日既正日入場行下～

今朝我一早9點已經起身
諗住一齊出去食個早餐就入場
點知我阿爸阿媽話佢地出去食完早餐先再番黎-,-

搞左一輪
12點3先出門口
而我係訂左6點半食晚飯
又要趕住係餅店9點收舖前去拎蛋糕

根本就唔夠時間呀!!

anyway我地搭地鐵個陣我阿媽仲問係咪係金鐘食埋lunch先入去
真係比佢地激死
咁不如唔好去啦-,-

入到場已經2點幾
趕住去食飯所以5點就走左
完全唔夠時間
好多地方都冇行到同冇玩過任何遊戲 (雖然我唔玩刺激既遊戲，但我入場前其實係想玩碰碰車/_\)
同佢地去真係好冇癮-,-

我覺得我要再去多次!!
成個公園都唔同晒 同以前去真係差好遠

被尤加利葉遮住訓緊覺既兩隻樹熊

因為個場太細而冇位跳跳紮既袋鼠

少數覺得毛神神都幾得意既雀

毛髮好順滑既金絲猴

一上到山頂見到D完全未見過既機動遊戲 (明明以前仲有個兒童遊樂場-,-)

孤獨失落既企鵝

當我影完周圍既企鵝再望一下佢，仍然係咁形單隻影，仲要攞個patpat得住我地

後面D皇帝企鵝好肥好得意^O^/

周圍仲有好多line既公仔

肥嘟嘟既海獅 (如果佢地識表演埋就好)

今日睇左好多動物
我覺得海洋公園係衛生方面做得幾好～
之前去京都水族館睇企鵝會有陣味
但今日去到冰極世界又冇
仲覺得D企鵝好乾淨
D毛好似好順咁
^O^

nikon f80.

終於都曬左相喇!! 老闆5月借左部菲林相機比我，今日終於都拎左相^0^/

好想買一部手動既菲林相機，但近排屋企既水電煤同管理費都係我交，仲比埋家用

唔可以好似以前咁想買乜就買乜TT_TT

所以都係玩住依家呢部先A_A

flim: fuji業務用100

Movie Day.

尋晚上網買左[The Young and Prodigious T.S. Spivet]既戲飛

今日出去既時候見到時間岩岩好

所以買埋之後個場既[愛上你愛上妳](其實呢個名真係好7! 日文係叫[感受海的一刻]-,-正常好多)

第1次係戲院連續睇兩套movie!!

其實一開始對呢套戲冇興趣 因為我唔中意小朋友-,-

但上hk movie app見到D人話景好靚就一試

睇完之後真係覺得風景好靚!! 好想飛去montana～～

道具場景都好靚，特別係插畫

故事最後都幾感人

透過一個旅程去解開一家人既心結然後放下和好如初甚至更close

但我覺得可以更好

佢個旅程其實都好順利丫...

不過實景拍攝加埋美指都可以係戲院一睇

其實我好後悔買左飛睇呢套戲....

成套戲感覺好唔連貫

同埋係70年代發生既故事

所以佢地著D衫都好舊

而呢種舊又唔係我中意既舊

仲有就係套戲真係好多3級位-,-

我覺得過一過鏡係OK既

但佢好慢好慢好慢...

我隔離個pair情侶睇左三幕左右就走左(因為其中兩幕都係sex-,-)

其實佢係話個男主角只係想要女主角既身體但唔中意佢既

但女主角就一路都好中意個男主角

為左令佢會望自己多一眼

所以個女主角就不斷奉獻肉體都冇所謂

到最後當個男主角發現自己已經愛上個女主角時

女主角已經醒覺

最後一幕講佢係海邊眺望感受海的一刻(i guess)

睇完呢套戲真係好dregding

見到個女主角咁樣會覺得佢好慘

到最後佢發現男主角所謂既愛同其他男人只對佢身體有興趣冇分別

開始放手時

又會有一種豁然開朗

但呢套戲真係唔洗係戲院睇-,-

a beautiful store.

 

每日番工放工生活刻板，

放假去到呢D郊外小店就會覺得丫原來同一地方之下有人選擇過住另一種同一般人好唔同既生活。

淨係假期先開幾個鐘既小店有種逃離現實既感覺，

然後諗如果我都可以打理一間咁既舖頭都幾好丫，

賣一D小物加簡餐，

舒服既環境，

比人放低煩囂recharge一下，

其實都唔錯喎~!

不過自問冇taste冇錢冇時間，

都係發下夢算-,-